ਇੰਨਾ ਵੀ ਨਾ ਡਰ ਕਿ ਡਰ ਅੰਦਰ ਬੈਠ ਜਾਵੇ
ਉੱਠ ਡਰ ਪਰਾਂ ਰੱਖ , ਕੁਝ ਕਰ ਕੇ ਵਿਖਾ .
ਮੁਸੀਬਤ ਦੂਰੋਂ ਵੱਡੀ ਤੇ ਡਰਾਉਣੀ ਲਗਦੀ
ਉੱਠ ਅੱਗੇ ਉਸ ਨਾਲ ਲੜ ਕੇ ਵਿਖਾ .
ਜਿੰਦਗੀ ਦੀ ਕਿਤਾਬ ਬੜੀ ਔਖੀ ਤੈਨੂੰ ਲਗਦੀ
ਹਰ ਪੰਨਾ ਖੁਸ਼ੀ-ਖੁਸ਼ੀ ਪੜ੍ਹ ਕੇ ਵਿਖਾ .
ਗੱਲਾਂ ਵੱਡੀਆਂ-ਵੱਡੀਆਂ ਕਰਨੀਆਂ ਸੌਖੀਆਂ
ਉੱਠ ਕਹਿਣੀ ਅਤੇ ਕਰਨੀ ਇੱਕ ਕਰਕੇ ਵਿਖਾ .
ਸੋਚਾਂ ਨਿੱਤ ਸੋਚਦੈਂ ਤੂੰ ਜਿੰਦਗੀ ਦੇ ਵਾਸਤੇ
ਜੋ ਕੁਝ ਸੋਚਦੈਂ ਉਹ ਬਣ ਕੇ ਵਿਖਾ .
ਦੁਨੀਆਂ ਯਾਦ ਕਰੇ ਸਾਨੂੰ ਸਾਡੇ ਜਾਣ ਪਿਛੋਂ
ਕੰਮ ਕੋਈ ਐਸਾ 'ਬੱਬੂ' ਕਰਕੇ ਵਿਖਾ ..
ਬਲਜਿੰਦਰ ਕੌਰ ਬੱਬੂ
ਭਾਈ ਰੂਪਾ
No comments:
Post a Comment