ਨਾਟਕਾਂ ਦੀ ਇੱਕ ਸ਼ਾਮ , ਭਾਈ ਮੰਨਾ ਸਿੰਘ ਦੇ ਨਾਮ
ਪੰਜਾਬੀ ਰੰਗਮੰਚ ਦੇ ਸੂਹੇ ਸੂਰਜ ਨੂੰ ਸਲਾਮ ਕਹਿਣ ਲਈ ਉਹਨਾਂ ਦੀ ਜਗਾਈ ਹੋਈ ਮਸ਼ਾਲ ਨੂੰ ਹੱਥ ਲੈ ਕੇ ਅਹਿਦ ਕਰਨ ਲਈ 'ਲੋਕ ਰੰਗਮੰਚ ਸਭਾ, ਬਰਨਾਲਾ' ਵੱਲੋਂ ਉਸ ਮਹਾਨ ਨਾਟਕਕਾਰ ਨੂੰ ਸਮਰਪਿਤ ਨਾਟ-ਮੇਲਾ ਮਿਤੀ 10-11-2011 ਨੂੰ ਸ਼ਾਮ 6:30 ਵਜੇ ਵਜੇ ਸ਼੍ਰੀ ਮਹਾਂ ਸ਼ਕਤੀ ਕਲਾ ਮੰਦਰ , ਬਰਨਾਲਾ ਵਿਖੇ ਕਰਵਾਇਆ ਗਿਆ . ਇਸਤੋਂ ਪਹਿਲਾਂ ਪੂਰੇ ਸ਼ਹਿਰ ਵਿੱਚ ਭਾਈ ਮੰਨਾ ਸਿੰਘ ਨੂੰ ਸਮਰਪਿਤ ਮਸ਼ਾਲ ਮਾਰਚ ਵੀ ਕੱਢਿਆ ਗਿਆ . ਨਾਟ ਮੇਲੇ ਦਾ ਇਹ ਪ੍ਰੋਗਰਾਮ ਪ੍ਰੋ: ਤਰਸਪਾਲ ਕੌਰ , ਮਾ . ਹਰਭਗਵਾਨ ਅਤੇ ਸ਼੍ਰੀ ਭੱਠਲ ਜੀ ਵੱਲੋਂ ਉਲੀਕਿਆ ਗਿਆ ਪ੍ਰੋਗਰਾਮ ਦੀ ਸ਼ੁਰੁਆਤ ਕੋਰੀਓਗ੍ਰਾਫੀ ਨਾਲ ਹੋਈ, ਨਾਲ ਹੀ ਸ਼੍ਰੀ ਨਰਾਇਣ ਦੱਤ ਜੀ ਨੇ ਭਾਅ ਜੀ ਦੇ ਜੀਵਨ ਬਾਰੇ ਦਰਸ਼ਕਾਂ ਨੂੰ ਚਾਨਣਾ ਪਾਇਆ . ਨਾਟਕਾਂ ਦੀ ਇਸ ਸ਼ਾਮ ਵਿੱਚ ਵੱਖੋ –ਵੱਖ ਨਿਰਦੇਸ਼ਕਾਂ ਵੱਲੋਂ ਤਿੰਨ ਨਾਟਕ ਖੇਡੇ ਗਏ . ਜਿਕਰ ਯੋਗ ਹੈ ਕਿ ਮਹਾਂ ਸ਼ਕਤੀ ਕਲਾ ਮੰਦਰ ਦਾ ਹਾਲ ਕੁਝ ਸਮੇਂ ਵਿੱਚ ਹੀ ਦਰਸ਼ਕਾਂ ਨਾਲ ਖਚਾ-ਖਚ ਭਰ ਗਿਆ .
ਸਭ ਤੋਂ ਪਹਿਲਾਂ ਮੈਡਮ ਤਰਸਪਾਲ ਕੌਰ ਦਾ ਲਿਖਿਆ ਨਾਟਕ ' ਬੋਹੜ ਵੱਡੇ ਗਏ' ਖੇਡਿਆ ਗਿਆ , ਜਿਸਦਾ ਮੰਚਣ ਪਹਿਲੀ ਵਾਰ ਹੀ ਕੀਤਾ ਗਿਆ . ਨਾਟਕ ਦਾ ਵਿਸ਼ਾ ਦੂਸ਼ਿਤ ਹੋਏ ਵਾਤਾਵਰਣ ਅਤੇ ਦੂਸ਼ਿਤ ਸਮਾਜ ਦੀ ਕੋਝੀ ਤਸਵੀਰ ਨੂੰ ਬਿਆਨ ਕਰਦਾ ਹੈ . ਭਾਵੇਂ ਇਸ ਨਾਟਕ ਵਿੱਚ ਕੰਮ ਕਰ ਰਹੇ ਸਾਰੇ ਪਾਤਰ ਨਵੇਂ ਸਨ ਪਰ ਫਿਰ ਵੀ ਓਹਨਾਂ ਨੇ ਇਸ ਨਾਟਕ ਨੂੰ ਬਾਖੂਬੀ ਨਿਭਾਇਆ . ਇਸਦਾ ਨਿਰਦੇਸ਼ਨ ਵੀ ਮੈਡਮ ਤਰਸਪਾਲ ਕੌਰ ਵੱਲੋਂ ਹੀ ਕੀਤਾ ਗਿਆ .
"ਗੰਗਈ " ਨਾਟਕ ਦਾ ਇੱਕ ਦ੍ਰਿਸ |
"ਸਿਉਂਕ" ਨਾਟਕ ਦਾ ਇੱਕ ਦ੍ਰਿਸ |
ਕੁੱਲ ਮਿਲਾ ਕੇ ਸਾਰੇ ਹੀ ਨਾਟਕਾਂ ਨੇ ਦਰਸ਼ਕਾਂ ਦਾ ਜਿਥੇ ਭਰਭੂਰ ਮਨੋਰੰਜਨ ਕੀਤਾ ਉਥੇ ਸਮਾਜ ਵਿੱਚ ਫੈਲੇ ਹੋਏ ਤਰ੍ਹਾਂ ਤਰ੍ਹਾਂ ਦੇ ਪ੍ਰਦੂਸ਼ਣ ਵਿਰੁਧ ਲੜ੍ਹਨ ਦਾ ਸੁਨੇਹਾ ਵੀ ਦਿੱਤਾ . ਅਖੀਰ ਵਿੱਚ ਪ੍ਰਿੰਸੀਪਲ ਭੱਠਲ ਨੇ ਪਹੁੰਚੇ ਹੋਏ ਸਾਰੇ ਦਰਸ਼ਕਾਂ ਦਾ ਧੰਨਵਾਦ ਕੀਤਾ . ਨਾਟ-ਮੇਲੇ ਵਿੱਚ ਪ੍ਰੋ. ਜੈ ਪ੍ਰਕਾਸ਼ ਗਰਗ , ਕਹਾਣੀਕਾਰ ਭੋਲਾ ਸਿੰਘ ਸੰਗੇੜਾ ਅਤੇ ਹੋਰ ਬਹੁਤ ਸਾਰੇ ਨਾਮਵਰ ਸ਼ਖਸੀਅਤਾਂ ਵਿਰਾਜਮਾਨ ਸਨ .
ਅਕਸ ਮਹਿਰਾਜ
email: aksmehraj@yahoo.in